. . .

Holger Hansen eklernis Esperanton en 1932 kaj tuj aliĝis al la laborista klubo en Århus. Kiam en 1936 estis sufiĉe multaj por fondi pro­pran klubon en Aabyhøj, li fariĝis ĝia kasisto, kaj depost 1940 li estas prezi­danto. - Li estas kunfondinto de DLEA kaj ĝia unua kasisto. Ĉe la jarkunveno en Århus 1939 li estis elektata kiel prezidanto, kaj tiun postenon li depost tiu jaro plenumis kun koro kaj animo. Ĉiam kaj ĉie li laboras kaj agitas por Espe­ranto kaj fakte li ne komprenas, ke ĉiu klaskonscia laboristo ne volas oferi tiun relative mallongan tempon por lerni ni­an lingvon kaj tiel fariĝi vera interna­ciisto aŭ pli guste sennaciisto.

Holle estas malnova SAT-ano (matri­kulo 19582), li estas membro de la LEA komitato kaj kasisto de la Komunkomi­tato de Danaj Esperantistoj. Cetere ŝaj­nas, ke li ŝatas monon. Dum la 20-a SAT-kongreso en Aarhus li ankaŭ estis kasisto. Tiam li solvis vere malfacilan monproblemon por multaj el la ekster­landaj partoprenantoj, kiuj ne rajtis kun­porti monon el siaj landoj.

Sed Holle ne nur estas Esperantisto. Inter la loka kleriga movado li faris grandan laboron, li estas ano de la re­prezentantaro de la metallaborista orga­nizo, vicprezidanto de la loka konsum­kooperativo, estrarano de la malsanase­kura societo ktp. ktp. - Li opinias nome, ke esperantisto ne izoligu sin for de la funkcioj de laboristaj organizoj, kaj li mem estas bona ekzemplo tiurilate.

Holle estas bona kamarado - ordo kaj akurateco lia virto.

R. Jørgensen.