La 11-an de marto mortis tre aktiva kaj laborema Århusa esperantisto Johannes Christoffersen, konata kiel "Stoffer" aŭ "Jico."
Li naskiĝis en la jaro 1892 kaj esperantiĝis en 1932.
Ek de 1935 li estis instruisto de pluraj esperanto-kursoj.
En la 1930-aj jaroj Johs. Christoffersen estis tre aktiva membro de la tiama Centra Dana Esperantista Ligo. Kiel ĝia plurjara afergvidanto li faris grandan laboron por plifortigi la organizaĵon.
Antaŭ la dua mondmilito li estis prezidanto de Århus Esperantoforening, kaj poste - dum multaj jaroj - li estis membro de ĝia estraro. Li estis la unua redaktoro de la klubo-organo kaj samtempe ties sekretario.
Dum pluraj jaroj Johs. Christoffersen faris grandan laboron kun Chr. Heilskov, H. E. Jensen kaj A. Hvorslev tradukante verkojn de danaj aŭtoroj kaj redaktante
la enhavon de Dana Antologio.
Post la dua mondmilito li pli kaj pli okupis sin pri fervojistaj aferoj. En 1948 li estis kunfondinto de DEFA kaj de IFEF en Amsterdam. Li estis sekretario de DEFA de 1948 ĝis 1953 kaj krome sekretario de la l-a kaj lO-a IFEF-kongresoj. plurfoje
DEFA-delegito ĉe IFEF-kongresoj. Li estis honora membro de DEFA ek de 1958, kaj en 1973 dum la jubilea IFEF-kongreso li ricevis la arĝentan FISAIC-medalon.
Sur pluraj aliaj kampoj li multe laboris por kaj per esperanto, kaj krome li tradukis plurajn poemojn kaj artikolojn. Li eĉ verkis prelegojn por Radio Romo kaj faris aliajn fakajn prelegojn.
Dum liaj lastaj jaroj liaj okuloj malboniĝis tiel, ke li ne plu kapablis legi; sed li restis aktiva, ĉar li korespondis kun eksterlandanoj pere de sonbendoj, kaj li partoprenis preskaŭ ĉiujn esperanto-aranĝojn.
Unu el la vere bravaj batalantoj por nia afero ne plu estas inter ni. Li ripozu en paco!
(Fontoj: Hauge kaj Fiirgaard).
