Esperantisto dum 50 jaroj.
La 22-an de novembro (1952) la Esperanto-Klubo de Kolding aranĝos festeton okaze de unika jubileo de la honora membro de la klubo, eksa urbkasisto P. Zoffmann. En 1902, do antaŭ 50 jaroj, s-ro Zoffmann komencis lerni Esperanton. Oni rajtas supozi, ke neniu ankoraŭ aktiva esperantisto komencis tiel frue en nia lando. S-ro Vasiljef (esperantisto de 1899) lernis nian lingvon en Rusujo, kaj f-ino Noll lernis ĝin "maljam" en 1907.
La komenco estis malfacila, rakontis Zoffmann, ĉar li sciis pri neniu lernolibro en la dana lingvo kaj tial devis havigi al si svedlingvan, kaj fakte daŭris gis 1910, antaŭ ol li atingis rezulton. En tiu jaro li komencis korespondi kun eksterlandanoj, kaj per vizito de ĉeha instruisto li akiris parolan rutinon. Poste, kiam li en 1912 ricevis stipendion por vojaĝo kiel desegna instruisto en ĉehoslovakujo, li ricevis la plej fortan instigon. Per la delegito-sistemo de la Esperanto-movado li, kiu ne sciis la ĉehan lingvon, povis aranĝi la vojaĝon tiel, ke li parolis nur Esperanton.
Sian entuziasmon pri Esperanto s-ro Zoffmann konkretigis per eldonado de lernolibro (1918) kaj vortaro (1922).
En la klubo en Kolding s-ro Zoffmann estas valora kaj ŝatata membro kaj certe multaj membroj ĉeestos la festeton por honori la jubileantan pioniron.
