Bonvenon al la anoj
ni diras per la tuta kor'
al ĉiuj vizitantoj,
sed tamen ne per flor',
nur per beletaj vortoj,
sed ĝojo en la kor'.
Hurra - Tra la la la!
kaj vigla la humor'.

Bonvenon ĉiu paro
da konatuloj sub la sun'.
Bonvenon junularo,
vi venis kune kun
la vigla bonhumoro,
bloveto de la mond'.
Hurra - Tra la la la!
Freŝigas nian rond'.

Bonvenon ĉiu gasto,
kaj belvestita fraŭlinet',
dikulo kaj kun basko -
­ne gravas la vestet'.
En nian kluban ĉambron
vin bonvenigas ni.
Hurra - Tra la la la!
Plezuro nur al vi.

Bonvenon la humoro -
pasigu kune tie ĉi
tempeton, per la koro
deziras ni al vi
hodiaŭ, morgaŭ, ĉiam
feliĉon en la kor'.
Hurra - Tra la la la!
Kaj tute ne dolor'.