Survoje al fungekskurso
en arbaro ĉe Næstved-urb'
mi timis, ĉar eble urso
preparas sin al perturb':
Kaj poste, ĉu la vetero
bonkondutas ? Aŭ nura pluv'
nin ĝenos, ĉar dum somero
minacis nin la diluv':
Troviĝis ni en arbaro
sen padeto - sovaĝa lok'
kaj eble nin la barbaro
atendas kun tomahok'?
Ĉu fungojn ni povas trovi?
ĉu sufiĉos por la vesper'?
Aŭ fine vi devos provi
ne manĝi Ho ! la infer'!
|
Se fine ni fungojn trovos,
ĉu kuraĝos do manĝi ni ?
Ĉu niaj spertuloj povos
certigi kun garanti'..?
La foreston de veneno
ĉi-vespere sur la teler',
ke poste ne abomeno
detruos nin al mizer'.
Entute la viv' danĝeras.
Mi ja scias ke multaj ne
transvivas - sed mi esperas
sukceson hodiaŭ, ke
ni ĉiuj nun tosti povas
por venontjara plagiat'.
Verŝajne ni ĉiuj trovas:
Belegas la rezultat'.
|
