| H. E. Jensen Kantato por Risskov - Ry 1939 |
|---|
| Denove kunvenas por ĝojo komuna amikoj kaj samideanoj por nova laboro, tre maloportuna al mondaj potenco-malsanoj! Ni ne nur amuzajn festetojn aranĝas, ni pensojn kaj novajn ideojn interŝanĝas profite al nia komuna intereso, al nova kultura progreso. |
Ni ĝoje malnovajn amikojn revidas, montrantajn obstinan fidelon, la sanktan aferon neniam perfidas, por lumo ni portas la stelon! Ne timas ni la diktatoran koleron, sed en niaj koroj konservas la esperon! Ni vidas la vojon al paco sur la tero, la vojon de l' justo kaj vero!
|
|
Li: Brilu, lumo, en la mondo, lumo de l' esper' Fluu vivo el la fonto al la seka ter'! Konstruiĝu nova ponto sen beton' kaj fer' al la lando de' l' estonto, al la hejm' de l' ver'!
Ŝi: Kion trovi par ornamo
|
Nun malhelo regas en la mondo, sur la ter' minacas nun la mort'! Nuboj nigraj de la horizonto levas sin kun fulmotondra fort'! Perfortuloj ĵetas la ludkubojn, ludas pri la sorto de l' homar', fulmoj fore fendas jam la nubojn, pendas jam la glav' en unu har'!- Kial do esperi pri la paco en la mondmalhelo kaj koler'? Vana estas via la aŭdaco, senkapabla estas la esper'! "Ho, silentu!" sonas voĉo, "pri la revo, pri la alta cel', la harmoni', nur obei blinde estas via devo - ho, stultuloj! Ho, silentu vi!"
|
|
Li: Ĉu ni cedu al la premo de la monda bru' kaj kri'? Ŝi: Ne, sed penu en venkemo por tutmonda harmoni'! Li: Do, bonvenon al la rondo en la lando ĉe la mar'! Ŝi: Paco regu en la mondo, esperanta amikar'! Ambaŭ: Paco regu en la mondo, esperanta amikar'! |
Dum la mondo daŭre bruas nun en sama la moment', ni al ĝojon kune ĝuas, kantas en komuna sent': Brilu alte la trezoro por la nuno kaj estont'! :;: Paco regu en la koro, paco venku en la mond'! :;:
|
El: "Kantato", kantlibro eldonita de la kursoj en Risskov-Ry - 1939. |
Dum 1935 - 1939 okazis kursoj en Ry sub gvidado i.a. de L. Friis kaj H. Grønborg. |
