La instruisto, maljuna teologia kandidato, fraŭlo, tre miopa, kun okulvitroj, legas el la religia historilibreto. Petolulo inter la knaboj kungluis tamen du foliojn, kaj aperas kurioza sceno.
"Ja, karaj amiketoj, hodiaŭ ni daŭrigos la legadon pri la kreado. Mi komencu: Kaj Dio prenis ripon el la dekstra flanko de l' viro kaj kreis la virinon. Kaj ŝi havis ( - li turnas la folion - ) kvardek futojn laŭlonge kaj kvardek futojn laŭlarĝe, kaj ŝi estis interne kaj ekstere ŝmirita je peĉo ... «
Li haltas surprizita, turnas kaj relegas sed kun sama rezultato. Fine li diras serioze:
"Nun mi estas leginta tiun-ĉi libreton je centoj da fojoj, sed ankoraŭ neniam mi vidis tiun-ĉi lokon. Sed kiam tiel estas skribite, tio devas esti vero. Kaj tio devas esti skribita por montri al ni, - kia terurega kreitaĵo la virino efektive estas ... « *
