Lingvo internaci'
ĝin laŭdas laŭte ni
per vort' kaj kant'.
Komprenon semas vi
lingvo internaci'.
Ponton konstruas vi
de land' al land'.

Lingvo internaci'
fidelaj estos ni
al vi etern'.
Frataron kreas vi
lingvo internaci'.
Pacemajn pensojn vi
homaron lern'.

Lingvo internaci'
promeson donas ni
kun sankta ĵur'.
Vojon nin montras vi
lingvo internaci'.
En korojn metu vi
la senton pur'.

Lingvo internaci'
nun regu ĉiam ni
venku en mond'.
Fortigu kredon vi
lingvo internaci'.
Donu esperon vi
al frata rond'.