Fratoj ni estas de dia faro
Tamen batalas la tuta frataro
Ĉie en mondo regas mizero
Ĉu ne ekzistas malgranda espero ?

Ĉie parolas pafiloj - morto
Atombomboj zorgas pri homa bonsorto
Nura malamo ja regas sur tero
Ĉu ne ekzistas malgranda espero?

Interkomprenon proponis ĉiuj
Veran rimedon donis neniuj
Nur paroladoj en tro alta sfero
Ĉu ne ekzistas malgranda espero ?

Homoj suferas - homoj sopiras
Pacon en mondo ĉiuj deziras
Pacon por spiri en paca aero
Ĉu ne ekzistas malgranda espero ?

Tamen ekzistas por ni espero
Amo! - Vi vivas ankoraŭ sur tero
Amo al homoj - Amo al vero
Estas por ni la malgranda espero.