Kiu jen aŭdigas sin,
Hola hi, hola ho,
Eble mia belknabin'?
Hola hi, halo
Preterpasas sen atent',
Hola hi, hola ho,
Ĉu mi trompis aŭda sent'?
Hola hi halo.

Ofte oni mokis min:
Mankas al vi amatin'!
Ili diru kion ajn.
Juĝas sole laŭ la ŝajn'!

Jenon mi konfesas jam:
Stranga estas mia am';
Sola mia amatin'
Min rifuzas kun obstin '.

Dum geedza ŝia fest'
Decos min funebra vest'.
En solec' per forta plor'
Malpeziĝos mia kor'.

Post sufer' kaj vivofin',
Al tombejo portu min.
Sur la tombo pro memor'
Kresku miozota flor'.